Stipendiat ved Institutt for klinisk og biologisk psykologi

About this job

https://youtu.be/M5n6RnScNgA Stipendiat Ved Institutt for klinisk og biologisk psykologi, Det psykologiske fakultetet, Universitetet i Bergen er det ledig ei stilling som stipendiat (100 %). Stillinga er for ein åremålsperiode på tre (3) år. Stillinga er finansiert gjennom og knytt til EU Horizon-prosjektet Fighting Addictions, Improving Lives: Comprehensive Drug Rehabilitation with Music (FALCO). Om prosjektet/arbeidsoppgåver: Den som vert tilsett, vil bli ein del av det europeiske FALCO-prosjektet (Fighting Addictions, Improving Lives: Comprehensive Drug Rehabilitation with Music), ei stor internasjonal randomisert kontrollert studie som undersøkjer effekten av musikkterapi på betring ved ruslidingar. Prosjektet omfattar behandlings- og forskingsmiljø i seks europeiske land, i tillegg til samarbeidspartnarar i Israel og Palestina, og samlar ekspertise innan psykologi, nevrovitskap, psykiatri, musikkterapi og rusforsking. Ph.d.-prosjektet vil ha særleg fokus på nevroavbildingsdelen av FALCO, og nytte strukturell og funksjonell MR (MRI/fMRI) for å undersøkje dei nevrale mekanismane som kan liggje til grunn for dei terapeutiske verknadene av musikk. Stipendiaten vil ha ansvar for å koordinere og gjennomføre MR-/fMRI-undersøkingar med deltakarar i den kliniske studien, bidra til datahandsaming og kvalitetskontroll, analysere nevroavbildingsdata og formidle forskingsresultat gjennom vitskaplege publikasjonar og konferansepresentasjonar. Stillinga inneber tett samarbeid med dei andre kliniske partnarane, musikkterapeutar, psykologar, nevrovitarar og forskarar innan nevroavbilding i fleire europeiske land. Det er òg ønskjeleg at kandidaten utviklar eigne forskingsspørsmål og analytiske tilnærmingar innanfor prosjektet. Kvalifikasjonar og eigenskapar: Søkjaren må ha mastergrad eller tilsvarande innan psykologi, nevrovitskap, medisin, biologi, informatikk, fysikk eller nærliggande fagområde. For opptak til ph.d.-programmet vert det normalt kravd karakteren B eller betre på masteroppgåva, evt. som gjennomsnittskarakter for graden. Erfaring med nevrovitskapleg forsking og metodar er svært ønskjeleg, men ikkje eit krav, til dømes erfaring med innsamling eller analyse av fMRI- og MRI-data. Sterk interesse for nevroavbildingsforsking og klinisk nevrovitskap er likevel nødvendig. Prosjektet byggjer på avanserte metodar innan nevroavbilding og dataanalyse, inkludert MRI/fMRI-prosessering og analyse, funksjonell konnektivitet, longitudinell modellering, maskinlæring og multivariate metodar. Kompetanse i programmering (til dømes MATLAB, Python eller R), handtering av store datasett og arbeid med komplekse analysar er ein fordel, men ikkje eit krav. Erfaring med relevant programvare for nevroavbilding, sikre forskingsinfrastrukturar (til dømes SAFE eller HPC) og eksperimentelle plattformer som PsychoPy vil òg vere ein fordel. Evne til å arbeide sjølvstendig og strukturert, samstundes som ein har gode samarbeidsevner. God munnleg og skriftleg framstillingsevne på engelsk. Gode kunnskapar i norsk eller eit anna skandinavisk språk, tilstrekkeleg til å kommunisere med deltakarar i kliniske settingar. Gode organisatoriske og mellommenneskelege ferdigheiter, inkludert evne til å arbeide direkte med sårbare kliniske grupper. Evne til å samarbeide effektivt i eit internasjonalt og tverrfagleg forskingskonsortium. Den ideelle kandidaten kombinerer sterke analytiske og tekniske ferdigheiter med interesse for klinisk forsking, og trivst i skjeringspunktet mellom nevrovitskap, psykisk helse og innovative terapeutiske intervensjonar. For stillinga gjeldt følgande: Om stipendiatstillinga: Stipendiatstillinga har ei varigheit på tre år. Tilsetjingsperioden kan verte redusert dersom du tidlegare har vore tilsett i ei rekrutteringsstilling. Du kan ikkje tidlegare ha vore tilsett i ein åremålsperiode som stipendiat ved Universitetet i Bergen. Universitetet i Bergen er underlagt regelverket for eksportkontroll. Regelverket vil bli nytta ved behandling av søknadene. Om ph.d.-utdanninga: Som stipendiat skal du gjennomføre ph.d.-programmet ved Det psykologiske fakultet innan ei tidsramme på 3 år. Meir om ph.d.-utdanninga ved Det psykologiske fakultet finn du her. Vi tilbyr: Spennande og utviklande arbeidsoppgåver i et sterkt fagmiljø Stilling som stipendiat (kode 1017) i det statlege lønnsregulativet. Dette utgjer for tida ei årsløn på kr. 593 700 brutto. Stillinga gjev automatisk lønsutvikling i inntil fire år med 3 % årleg stiging. Dersom du har spesialistutdanning kan høgare lønn bli vurdert. Medlemsskap i Statens pensjonskasse Gode velferdsordningar Søknaden skal innehalde: Søknadsbrev med ei kort utgreiing om forskingsinteressene dine og motivasj

Want to know if you're a fit? Check your CV against this role — free, in 30 seconds.

Similar jobs

• Møller Bil Minde søker selger til premiummerket Audi · Møller Bil Minde
• Seniorrådgjevar (gruppeleiar – digitale infrastrukturar og forskingsdata) · Universitetet i Bergen
• Ryddehjelp · Zachariasbryggen / Ricks
• Stipendiat innan barnehagepedagogisk arbeid under kritiske vilkår · Høgskulen på Vestlandet
• Stipendiat innan vatn, kulturarv og berekraft i barnehagen · Høgskulen på Vestlandet
• Institusjonsleder i barnevern · Humana omsorg og assistanse