Stipendiat innan barnehagepedagogisk arbeid under kritiske vilkår

About this job

Ved Høgskulen på Vestlandet (HVL) er det ledig ei stilling som stipendiat innan barnehagepedagogisk arbeid under kritiske vilkår, ved Fakultet for lærarutdanning, kultur og idrett (FLKI) Vi søkjer etter ein sosialt engasjert og motivert ph.d.-kandidat. Stillinga i barnehageforsking er ei forskarstilling som skal gi ein lovande forskarrekrutt moglegheit til fagleg utvikling relevant for kunnskap om barn og barnehage i eit perspektiv av berekraftige framtider. Stillinga skal styrke kunnskapsgrunnlaget for grunn-, etter- og vidareutdanningar ved FLKI og for barnehage- og kultursektoren sitt arbeids- og organisasjonsliv. Arbeidsstad er lagt til miljøet ved BARNkunne – Senter for barnehageforsking, campus Bergen, der også Forskarskulen NORBARN inngår. Senteret utgjer eit tverrvitskapleg kunnskapsmiljø for forsking, formidling og undervisning i barnehagelærarutdanning, masterutdanning og utdanning på doktorgradsnivå. Senteret er også involvert i barn sitt liv i eit utvida kultur- og arbeidsliv og knyter band og nettverk både regionalt, nasjonalt og internasjonalt. Stillinga inngår i ei langsiktig strategisk satsing på forsking relevant for barnehagar, lokalmiljø, kulturorganisasjonar og familiar med barn. Stilling som stipendiat har som mål fullført forskarutdanning fram til doktorgrad, og er ei rekrutteringsstilling som skal bidra til eit aktivt forskingsmiljø ved Høgskulen på Vestlandet. Miljøet arbeider i dag strategisk for ein plan om ei framleis satsing på fremifrå forsking fram mot 2038. Miljøet driv BARNkunne – Senter for barnehageforsking. Senteret er finansiert frå Forskningsrådet (2018–2028). Miljøet er vertskap for forskarskulen NORBARN, som blei etablert i 2023. Forskarskulen NORBARN opnar for problematikk som er spesielt relevant for norsk og nordisk barnehagesektor. Avhengig av kandidaten sin faglege kompetanse vil stillinga også knytast til eit av institutta ved fakultetet, campus Bergen. Lengda på stillinga Varigheita på stipendiatstillinga er 3 år (01.01.27–31.12.29). Om ønskeleg kan fakultetet vurdere å forlengje stipendiatperioden til fire år (01.01.27–31.12.30) der 25 % av tida er karrierefremjande arbeid ved eit av institutta til fakultetet. Om stipendet blir forlenga til fire år, vil karrierefremjande arbeid bli fordelt over alle åra. Ansvars- og arbeidsområde: Stipendiaten skal arbeide med problemstillingar innan forskingsfeltet barn, barndom og barnehage, i eit perspektiv av berekraftige framtider. Vi søkjer eit originalt og gjennomførbart prosjekt med tydeleg problemstilling, som knyter seg til arbeidsområdet under. Stillinga er knytt til det nystarta prosjektet FUTURE4CHILD (Nansen-programmet, HVL i samarbeid med ukrainske partnarinstitusjonar, 2026–2029). FUTURE4CHILD skal utvikle to nye utdanningstilbod, mellom anna gjennom samskapande og delvis digitale læringsmodular. Stipendiatstillinga skal styrkje forskingsgrunnlaget for dette arbeidet og inngå i internasjonale nettverk. Vi søkjer prosjekt som undersøkjer barnehagepedagogisk arbeid under kritiske vilkår. Prosjektet kan ta utgangspunkt i barna sine vilkår og erfaringar og/eller i barnehagelærarane sine faglege ressursar, motstandskraft, handlingsrom og profesjonelle rolle under kritiske vilkår. Sentralt står spørsmålet om korleis barnehagen kan gje barn omsorg, tryggleik og gode leike- og læringsvilkår også under vanskelege forhold. Arbeidet skal ha verd for for norsk barnehage og samfunnsberedskap for krise- og gjenoppbygging. Arbeidsområdet er relevant for FNs berekraftsmål 3, 4, 11 og 16. Det er forventa at stipendiaten fullfører ein ph.d.-avhandling innan tre år, basert på artiklar som er publiserbare i vitskaplege tidsskrift. Det er og forventa at stipendiaten deltek aktivt intellektuelt og kollegialt i miljøet. Dette kan innebere å vere medforfattar, å dele arbeid undervegs i seminar, verkstad og på konferansar, og det inneber å respondere konstruktivt på initiativ frå andre og sjølv vere ein drivar i miljøet. Du kan lese meir om miljøet på denne nettsida: BARNkunne – Senter for barnehageforskning - Høgskulen på Vestlandet (hvl.no). Du kan lese meir om Forskarskulen NORBARN her: Forskerskolen NORBARN - Høgskulen på Vestlandet (hvl.no) Kvalifikasjonskrav: Ved tilsetting av stipendiat vil det bli lagt vekt på følgande kriterium: Fullført mastergrad i barnehagekunnskap/pedagogikk/utdanningsvitskap/psykologi eller fagkombinasjonar innanfor samfunnsvitskaplege eller humanistiske fagområde. Karakter A eller B på masteroppgåva. Prosjektskildring og kvaliteten på denne. Forskingsrelevant erfaring, slik som publisering og deltaking i forskingsprosjekt. Søkjaren skal ha relevant faglig profil i forhold til stillinga og ein sterk fagleg bakgrunn frå tidlegare studium. Prosjektet inneber deltaking i internasjonale nettverk, der engelsk er naudsynt. Difor må den som blir tilsett meistre engelsk. Det er ein føremon om kandidaten snakkar og skriv norsk eller eit anna skandinavisk språk. Ettersom stillinga er knytt til Nansen-programmet, som

Want to know if you're a fit? Check your CV against this role — free, in 30 seconds.

Similar jobs

• Er du vår nye medarbeider? · Skoringen
• Driftsleder Høyspent/Prosjektleder · Hydro Energi AS
• Driftsleder Høyspent/Prosjektleder · Hydro Energi AS
• Kundekonsulent | 45 000 gj. lønn | Coitio AS | Bergen · Coitio Gruppen AS
• Kunderådgiver | 45.000 gj. lønn | Nordisk Ventilasjonsrens · Coitio Gruppen AS
• Kundekonsulent | Studenter | Ingen erfaring nødvendig · Coitio Gruppen AS