Rådgiver innen arealplan, miljø, natur og vilt

About this job

Arbeidsoppgaver Areaalesoejkesjæjja / raeriestæjja klijma, byjrese jïh eatneme Raajan 100 % ihkuve barkoe Snåasen tjïelte iedtije meatanbarkijem åhtsa gie sæjhta nænnoes seabradahkeevtiedimmine jïh hijven reereminie tjïelten areaale-, eatneme- jïh byjresevierhtijste viehkiehtidh. Mijjien daaletje vierhtie soejkesjen, klijman jïh byjresen sisnjeli orre haestemh åhtsa, jïh sïjhtebe dan åvteste barkoem suerkesne nænnoestidh jïh jåerhkedh ihkuve barkoen tjïrrh. Barkoe sæjhta sov åejviefokusem utnedh areaalesoejkesjimmien jïh aamhtesereeremen sisnjeli, men sæjhta aaj laavenjassh klijman, byjresen, eatnemereeremen jïh geodaatan sisnjeli feerhmedh. Daate gieltegs jïh jeereldihkie barkoe gusnie åadtjoeh aamhtesigujmie barkedh mah joekoen vihkele seabradahkeevtiedimmien gaavhtan Snåasen tjieltesne. Barkoelaavenjassh Barkoelaavenjassh sijhtieh gaskem jeatjah årrodh: Aamhtesereereme jïh guhkiebasse barkoe reguleeremesoejkesjigujmie jïh jeatjah soejkesjeaamhtesigujmie soejkesje- jïh bigkemelaaken mietie. Årrojh, bigkijh, dajveaajhterh jïh jielemem bïhkedidh gyhtjelassine areaaleåtnoen jïh soejkesjimmien bïjre. Viehkiehtidh bigkemeaamhtesh, juekemeaamhtesh jïh jeatjah areaalegyhtjelassh gïetedidh. Aamhtesh gïetedidh klijma- jïh byjresesuerkien sisnjelen, daan nuelesne tjïelten soejkesjh, råajvarimmieh jïh prosjekth bæjjese fulkedh. Reereme eatnemegellievoeteste, vijrevierhtijste jïh jeatjah byjresefaageles laavenjassijste. Barkoe kaarhtigujmie, GIS:ine jïh geodaatine goh dåarjoe tjïelten soejkesje- jïh reeremebarkosne. Meatan årrodh dåaresthfaaglees evtiedimmieprosjektine jïh laavenjostoeareenine sisnjelds jïh byjngetje. Aamhtesh ryöjredidh politihkeles gïetedæmman, jïh viehkine årrodh faageles vuarjasjimmiejgujmie jïh sjæjsjalimmievåaromigujmie. Maahta barkoelaavenjasside sjiehtedidh ohtsijen maahtose jïh dååjrehtæmman, jïh læstoe ij leah dan åvteste ållesth. Barkoen bïjre Barkoe lea Evtiedimmie-ektievoeten nualan bïejesovveme, mesnie faagesuerkieh teknihke, laanteburrie, jieleme jïh kultuvre. Ektievoetesne meatanbarkijh joekehts faagedååjrehtimmiejgujmie mah lïhke tjïelten evtiedimmie- jïh reeremelaavenjassi bïjre laavenjostoeh. Evtiedimmieektievoetesne ållesth 28 jaepiebarkoeh joekedamme ovrehte 40 barkijidie, kultuvreskuvline, reejnemeektievoetine jïh vaeptiemïesterinie- jïh ålkoebarkijigujmie. Snåasen tjïelte lea lïhke laavenjostoe Sis-Trööndelagetjïeltigujmie, dej gaskem Stientje jïh Inderøy. Barkeminie aaj vielie regijonaale laavenjostoem tseegkedh jienebh faagesuerkine, gusnie daate barkoe maahta vihkeles råållam åadtjodh. Kvalifikasjoner (overskrift) Kvalifikasjovnh Mijjieh datnem ohtsebe gien: Bachelor- jallh maasteregraade areaalesoejkesjimmien, seabradahkesoejkesjimmien jallh plearoeh sjyöhtehke ööhpehtimmien sisnjelen Sïjhtebe aaj ööhpehtimmiem vuarjasjidh eatnemereeremen, byjresefaagen jallh jeatjah sjyöhtehke faagedååjrehtimmien sisnjeli. Dååjrehtimmie byögkeles jallh privaate barkoste aktene jallh jieniebinie faagesuerkijste lea vaajteles. Daajroe soejkesje- jïh bigkemelaaken, eatnemegellievoetelaaken jallh jeatjah sjyöhtehke laaki bïjre lea aevhkie. Dååjrehtimmie GIS-, kaarhte- jallh geodaatasystemigujmie lea vaajteles Væjkele nöörjengïelem tjaeledh jïh soptsestidh. Persovneles jïjtsevoeth Mijjieh leavloem bïejebe datne Leah væjkele laavenjostedh jïh gaskesadtedh Struktuvren mietie barkh jïh raerie vuajnah Dïedtem vaaltah jïh jïjtjeraarehke laavenjassigujmie barkh Jeereldihkie barkoelaavenjassigujmie tråjjedh jïh lyjhkh årrojigujmie, jielieminie jïh byögkeles åejvieladtjigujmie gaskesadtedh Meatan hijven barkoebyjresem sjugniedidh. Mijjieh stoerre leavloem bïejebe persovneles sjiehtelesvoetese. Mijjieh faalehtibie Gieltegs barkoe mij vihkeles seabradahkese stoerre faageles gamtojne Nuepie evtiedimmiem Snåasen tjïelteste baajnehtidh Væjkele barkoevoelph jïh hijven faagebyjrese Hijven nuepieh jïjtjemdh faageles evtiedidh jïh maahtoem lutnjedh Baalhka ööhpehtimmien jïh dååjrehtimmien mietie Hijven pensjovne- jïh tjirkemeöörnegh tjïelten suerkien tjïrrh Fleksibiliteete jïh jeereldihkie barkoelaavenjassh Tjïelte raajan 50 % bommeåasijste maaksa jis tjuara pendladidh Jeatjah Vaajteles dïhte gie barkoem åådtje vuejemeleahpam klaasse B åtna, jïh jïjtse bïjlem barkosne nuhtjie. Goh guektiengïeleldh tjïelte Snåasen tjïelte sæjhta meatanbarkijh dåårrehtidh åarjelsaemien gïele- jïh kultuvremaahtojne. Jis nyjsenæjjah jïh ålmah seamma maahtoem utnieh sïjhtebe veeljedh dam tjoelem mij unnebelåhkosne. Lissie jis Snåasese jåhta: Lissine dejtie gellie aevhkide gosse tjaebpies dajvetjïeltesne orre, Lånekassen 25 000 kråvnah giehpiedimmiem studijelaajkoste faalehte fïerhten jaepien jis Snåasese jåhta. (Faamosne tsïengelen 2026 raejeste). Snåasen tjïelte dam giehpemes maanagierteåasam laantesne åtna, jïh mijjieh dååjrebe positijve energijem voenesne maam akt ektesne buektiehtidh. Gaskesadtemebïevnesh Jis vielie bïevnesh barkoen bïjre sïjhth, gaskesadth Are Tomter Tjïelteåvtehke Tellefovne: Arealplanlegger / rådgiver klima,

This is a short summary. Want to know if you're a fit? Check your CV against this role — free, in 30 seconds.